मानिलिउँ यौटा झुठो

अलिकति उदासीको गज़ल फुरेको अवस्था ...]
.

मानिलिउँ यौटा झुठो, म भ्रम भएको छु
या दुख र आँसु लेख्ने कलम भएको छु ।
.

जो गरिन्छ पटक पटक र तोडिन्छ पनि
धोकेवाज प्रेमिकाको कसम भएको छु ।
.

कहिले फूल कहिले काँडा, कैले कडा ढुंगा,
फेरि कहिले कपासजस्तो, नरम भएको छु ।
.

लक्ष्य थियो धेरैधेरै पर पुग्नु पर्ने,
आरम्भमै अल्झिएको कदम भएको छु ।
.

दुनियाँ यो जितेपनि के अर्थ छ त्यस्को ?
पराजित आफैसँग, अहम भएको छु ।
.

अन्धकार कायमै छ, आकाशमा मेरो
बादलुले छोपिएको पूनम भएको छु ।।